"Sumqayıt"ın baş məşqçisi Samir Abasov Azərbaycan Premyer Liqasının XIX turunda AZAL-la ev oyununda "texniki zona"dan qovulub. Sportnet.az-ın məlumatına görə, gənc mütəxəssis ilk hissə bitən kimi Rəhim Həsənovun başçılıq etdiyi hakimlər briqadasınfa yaxınlaşaraq etirazını bildirdiyə görə sərt qərarla üzləşib.
Komandalar fasiləyə yanarkən meydan sahiblərinin hücumçusu Məhəmməd Qurbanov etiraza görə sarı vərəqə alıb və baş məşqçi buna görə referilərlə mübahisə edib.
Abasov elə "Sumqayit"ın ehtiyat oyunçular skamyasının üstündən, azarkeşlərin yanından göstərişlərini verir. Onu "texniki zona"da köməkçisi Seymur Rəhumov əvəzləyir.
Xatırladaq ki, Abasov bu mövsümdə daha öncə 1 dəfə "texniki zona"dan kənarda qalıb.
