"Turan Tovuz” klubunun futbolçusu Səbayıl Bağırov 6 oyunluq cəzalanıb.
Sportnet.az-ın məlumatına görə, bunula bağlı bu gün keçirilən AFFA-nın İntizam Komitəsinin iclasında qərar qəbul olunub.
I Divizionun XVI turunun "Turan Tovuz” – "Zaqatala” matçının 69-cu dəqiqəsində aqressiv davranışa və rəqibə bilərəkdən zərbə endirdiyinə görə birbaşa qırmızı vərəqə alaraq meydandan kənarlaşdırılan 23 yaşlı müdaifəçi cəza ilə yanaşı, 400 manat cərimə olunub. Həmçinin "Turan Tovuz"la görüşdə 4 futbolçusu sarı vərəqə ilə cəzalanan "Zaqatala” klubu 80 manat cərimələnib.
"Ağsu” – MOİK matçının 90+3-cü dəqiqəsində qonaqların futbolçusu Qərib İbrahimov aqressiv davranışa görə birbaşa qırmızı vərəqə alaraq meydandan kənarlaşdırıldığı üçün futbolçu 3 oyun cəzalanıb, kluba 240 manat cərimə kəsilib.
"Energetik" "Göyəzən”lə ev oyununda 5 futbolçusu, "Rəvan” isə "Şəmkir”lə qarşılaşmada 4 futbolçusu sarı vərəqə ilə cəzalandığı üçün klub 80 manat cərimələnib.
