"Kəpəz"in ev oyunlarını keçirdiyi Gəncə şəhər stadionunun meydanının normal vəziyyətə gətirilməsi üçün müxtəlif şirkətlərlə danışıblara başlanılıb. Bu barədə Sportnet.az-a klubun Müşahidə Şurasının üzvü Mikayıl Quliyev məlumat verib.
Onun sözlərinə görə, ot örtüyündə təmir işlərinin başlama vaxtı danışıqların nəticəsindən asılı olacaq. "Kəpəz" rəsmisi işlərin görüldüyü müddətdə "Kəpəz"in ev oyunlarını Bakıda keçirməyəcəyini də əlavə edib.
