Bu gün Avropa Liqasında 1/16 final mərhələsinin cavab oyunları çərçivəsində 3 matç keçirilib.
Sportnet.az-ın məlumatına görə, görüşlər Türkiyə, Fransa və Almaniyada baş tutub.
Günün matçlarından azərbaycanlı futbol azarkeşləri üçün daha çox maraq doğuranı İstanbuldakı qarşılaşma olub. "Fənərbağça" "Krasnodar"dan səfərdə aldığı məğlubiyyətini əvəzini çıxa bilməyib. "Şükrü Saracoğlu" stadionundakı heç-heçə türklərin mübarizəni dayandırması demək olub. Bununla da "Krasnodar" tarixində ilk dəfə 1/18 finala yüksəlib.
Digər 2 oyun formal xarakter daşıyıb. İlk matçlarda 3:0 hesabı ilə qalib gələn favoritlər "Şalke" ilə "Mançester Yunayted" mübarizəni davam etdirirlər.
Xatırladaq ki, almanların məğlub etdiyi PAOK cari mövsümdə Azərbaycan təmsilçisi "Qarabağ”la eyni qrupda yer alaraq hər iki matçda uduzmuşdu - 0:2, 0:1.
Avropa Liqası
1/16 final mərhələsi, cavab oyunları
22 fevral
21:00 "Fənərbağça” (Türkiyə) – "Krasnodar” (Rusiya) - 1:1
Qollar: Souza, 42 - Fyodr Smolov, 7
Baş hakim: Pavel Raçkovski (Polşa)
İstanbul. "Şükrü Saracoğlu” stadionu
İlk oyun – 0:1
21:00 "Şalke” (Almaniya) – PAOK (Yunanıstan) - 1:1
Qollar: Alessandro Şophf, 23 - Matiya Nastasiç, 25-öz qapısına
Baş hakim: Luka Banti (İtaliya)
Qelzenkirhen. "AufŞalke Arena”
İlk oyun – 3:0
21:00 "Sent-Etyen” (Fransa) – "Mançester Yunayted” (İngiltərə) - 0:1
Qol: Henrix Mxitaryan, 17
Qırmızı vərəqə: Erik Berrand Beylli, 64 ("Mançester Yunayted", ikinci sarı)
Baş hakim: Dəniz Aytəkin (Almaniya)
Sent-Etyen. "Coffrua Qişar” stadionu
İlk oyun – 0:3
