AZAL növbəti transferini gerçəkləşdirib.
Klubun mətbuat xidməttinin rəhbəri Eldəniz Yusifov Sportnet.az-a açıqlamasında Bəxtiyar Soltanovu heyətə cəlb etdiklərini bildirib. O deyib ki, artıq 28 yaşlı hücumçunun keçidi ilə bağlı razılıq əldə olunub: "Sabah transferi rəsmiləşdirəcəyik. Futbolçu ilə tibbi baxışdan keçəndən sonra müqavilə imzalayacağıq. Anlaçmanın müddəti "6 ay+1 il" olacaq".
"Təyyarəçilər" Sloveniyanın "Domjale" klubundan ayrılan yarımmüdafiəçi Samir Məsimovla da sabah bu müddətlik anlaşma imzalayacaqlar. Yusifov bu 2 yeni futbolçunun gəlişi ilə transerləri başa vurduqlarını bildirib.
Xatırladaq ki, Soltanov son olaraq I Divizionda "Qaradağ Lökbatan"da çıxış edib. O, uzun illər Premyer Liqada "Bakı", "Qarabağ", "Qəbələ", "Kəpəz" klublarında oynayıb.
