UEFA Çempionlar Liqasının (ÇL) 1/8 final mərhələsinin ilk oyunları turnirdə məhsuldarlıq baxımından yeni rekord müəyyənləşdirib. Sportnet.az-ın məlumatına görə, 16 komanda 8 oyunda 34 qol vurub.
Bunadək həmin mərhələdə ən bol qollu matç 2013/14 mövsümündə olmuşdu - 26 qol. Hazırkı göstərici ÇL-də digər mərhələnin ən yaxşı nəticəsinin təkrarı olub. Bu, 2011/12 mövsümündə 1/8 final mərhələsinin cavab oyunlarında qeydə alınıb.
2011/12, 2012/13 və 2015/16 mövsümlərində ilk 1/8 final mərhələsi matçlarında 21 qol vurulub.
Bu mərhələnin təkrar qarşılaşmaları martın 7-8-də və 14-15-də keçiriləcək. 1/4 final mərhələsinin püşkatması martın 17-də olacaq.
Xatırladaq ki, ilk 1/8 final matçlarında ən çox qol "Mançester Siti" - "Monako" (5:3) oyununda qeydə alınıb - 8 qol.
