Sergey Rebrov Ukraynanın "Dinamo" (Kiyev) futbol komandasının baş məşqçi postundan istefa verib. Sportnet.az-ın klubun rəsmi saytına istinadən verdiyi məlumata görə, 43 yaşlı mütəxəssis başa çatan müqaviləsini uzatmayıb.
O, Premyer Liqanın XXXII turunda "Çernomorets"ə 2:1 hesabı ilə qalib gəldikləri görüşdən sonra qərarını açıqlayıb.
Bir müddət öncə sportanalytic.com saytı Rebrovu əvəzləməyə mümkün namizədlər arasında "Qəbələ"nin baş məşqçisi Roman Qriqorçukun da adını çəkib.
Qeyd edək ki, Sergey Rebrov "Dinamo"ya 2014-cü ildə baş məşqçi təyin olunub. Onun rəhbərliyi altında Kiyev komandası 2 dəfə Ukrayna çempionluğu və ölkə kubokunu qazanıb. Sonuncu titul isə cari mövsümün əvvəlində əldə olunmuş Ukrayna Super Kuboku olub. "Dinamo" çempionatı gümüş medalla başa vurub.
