Rusiya "Spartak"ı baş məşqçi Massimo Karrera ilə müqavilə müddətini 2 il uzadıb. Sportnet.az-ın klubun rəsmi saytına istinadən verdiyi məlumata görə, italiyalı mütəxəssisin 30 iyun 2018-ci ilədək nəzərdə tutulan əmək müqaviləsinin müddəti növbəti il də qüvvədə olacaq.
Karrera "Spartak"a 2016-cı ilin avqustunda baş məşqçi təyin olunub. O, Dmitri Aleniçevi əvəzləyib. 53 yaşlı mütəxəssisin rəhbərliyi altında "qırmızı-ağlar" 2001-ci ildən sonra ilk dəfə Rusiya çempionu olaraq, Çempionlar Liqasının qrup mərhələsinə vəsiqə qazanıblar.
