İspaniyanın "Real Madrid" və "Atletiko" komandaları arasında keçiriləcək Çempionlar Liqası matçı üçün heyətlər açıqlanıb. Sportnet.az-ın məlumatına görə, "Atletiko"nun heyətinə Türkiyə milli komandasının futbolçusu Arda Turan daxil edilməyib.
Arda zədədən tam bərpa ola bilmədiyindən, ehtiyat oyunçular skamyasında da yer almayıb. Əvəzində "Barselona" ilə İspaniya çempionatının son turunda zədələnmiş Dieqo Kosta sağalıb və start heyətində meydana çıxacaq.
Komandaların start heyətləri:
"Real Madrid": 1. Kasilyas, 2. Varan, 4. Ramos, 5. Fabio Koentrao, 15. Karvaxal, 6. Xedira, 11. Beyl, 19. Modriç, 22. Di Maria, 7. Ronaldo, 9. Benzema
"Atletiko": 13. Kurtua, 2. Qodin, 3. Felipe Luis, 20. Xuanfran, 23. Miranda, 5. Tiaqo, 6. Koke, 8. Raul Qarsia, 14. Qabi, 9. David Vilya, 19. Dieqo Kosta.
Qeyd edək ki, matç Bakı vaxtı ilə saat 23:45-də başlanacaq.
