"Joze ALesio güclü məşqçidir, buna sözüm yoxdur. Mən özüm də ondan çox şey öyrənmişəm. Ancaq Alesionun dönüşü sadəcə utancvericidir. Buna baş ad verə bilmirəm". Bunu Sportnet.az-a açıqlamasında Elnur Qəmbərov deyib. "Xəzər Adaları" ilə ölkə çempionatında çempionluq sevinci yaşayan Qəmbərov Joze Alesionun millimizə baş məşqçi kimi gətirilməsinə münasibət bildirərkən deyib.
"Xəzər Adaları"nın çempionluq sevinci yaşadığı ildə Azərbaycan Futzal Federasiyasının qərarı ilə ölkənin ən güclü məşqçisi də seçilmiş Qəmbərov Joze Alesionun geri dönməsinə müsbət yanaşmayıb. Buna səbəb braziliyalının bir neçə il öncə ölkədən qaçaraq getməsilə əlaqələndirib: "Alesio Azərbaycandan qaçıb gedəndə dedilər ki, o, bir də buraya qayıtmayacaq. Nə oldu ki, qaytardılar? Yenə deyirəm, Alesio çox güclü məşqçidir. Hansı nəticə qazana biləcək deyəndə ki, baxır qarşısına hansı şərtlər qoyulub. Bir adam sizi qoyub qaçır, siz onu yenidən qaytarardız?
Özü də 5-6 il sizinlə işləyəndən sonra atıb qaçır. Alesio yenə özü ilə legionerlər gətirəcək də. Bəs yerli məşqçilərimiz nə vaxt işləyəcək? Nə vaxtsa Azərbaycan millisində azərbaycanlı mütəxəssis işləyəcək? Altı il Alesio, sonra Tino Peres, ardınca Militinyo, Biro Jadedən də sonra yenə Alesio gəldi. Mən özümü nəzərdə tutmuram. Bəs nə oldu, Alesioya düşmən gözü ilə baxırdılar. Elə Alesio düz edir, harada ona rahatdısa orada da işləyir. Zaur Axundov haqda isə danışmaq istəmirəm".
