"Qarabağ” bu gün Çempionlar Liqasının II təsnifat mərhələsinin cavab oyunu çərçivəsində Gürcüstan "Samtredia”sının qonağı olsa da, hələlik Ağdam təmsilçisinin azarkeşləri Tbilisidəki Boris Payçadze adına "Dinamo" arenasında çoxluq təşkil edirlər.
Sportnet.az-ın məlumatına görə, Tbilisidə meydan sahiblərinə dəstək elə də böyük deyil.
Qeyd edək ki, Samtredia şəhərinin eyni adlı təmsilçisinin ölkə çempionatında ev oyunlarını keçirdiyi Erosi Manqaladze stadionu UEFA tələblərinə cavab vermədiyindən "Qarabağ"la görüş Tbilisidə keçirilir.
Matç saat 21:00-da başlayacaq.
