Avqustun 8-də İspaniya "Real Madrid"i ilə İngiltərə "Mançester Yunayted"i arasında keçiriləcək UEFA Super Kuboku uğrunda matçın hakim təyinatları açıqlanıb. Sportnet.az-ın məlumatına görə, Makedoniyanın paytaxtı Skopyedəki "Filip II Makedonski" stadionunda təşkil olunacaq qarşılaşma italiyalı referi Canluka Rokkiyə tapşırılıb.
43 yaşlı baş hakimə həmyerliləri Elenito Di Liberatore və Mauro Tonolini yan xətt, Davide Massa və Massimiliano İrrati əlavə köməkçi hakimlər, Rikkardo Di Fyore isə ehtiyat hakim qismində yardımçı olacaqlar. Dördüncü hakim funksiyasını Kleman Türpen yerinə yetirəcək.
