"Təbii ki, "Neftçi” haqqında məlumatım var idi. Yaşadığım şəhər Zaqrebi təmsil edən "Dinamo” 5-6 il bundan əvvəl Çempionlar Liqasının seçmə mərhələsi çərçivəsində bu komanda ilə üz-üzə gəlmişdi. O vaxtdan "Neftçi”ni tanıyıram”.
Sportnet.az-ın məlumatına görə, bunu "Neftçi”nin yeni transferi Mateo Mujek klubun rəsmi telekanalına açıqlamasında deyib.
İyirmi iki yaşlı xorvatiyalı müdafiəçi bildirib ki, paytaxt təmsilçisi ilə bağlı təəssüratı yaxşıdır: "Texniki cəhətdən çox yüksək bir kollektivimiz var. Bu komanda əvvəl çıxış etdiyim çempionatdan daha yüksək səviyyədə olan Azərbaycan Premyer Liqasında mübarizə aparır. Komanda yoldaşlarım çox yaxşıdırlar və heç vaxt öz köməklərini məndən əsirgəmirlər. Buna görə də məni hər şey qane edir. Hazırda "Neftçi”dəyəm və yalnız bunu düşünürəm. Gələcəkdə isə nə olacağına baxarıq”.
Qeyd edək ki, Mateo Mujek Sloveniyanın "Rudar” klubundan "Neftçi”yə keçib. Onunla iki illik müqavilə bağlanılıb.
