Türkiyə milli komandasının yeni baş məşqçisi Mirça Luçeskunun köməkçiləri müəyyənləşib.
Sportnet.az-ın "Hurriyet"ə istinadən məlumatına görə, bunlar Levent Şahin və Tayfur Havutçudur. Şahin Luçeskunun təyinatınadək də yığmada Fatih Terimin köməkçisi olub. Havutçu isə "Beşiktaş"ın kapitanı olduğu vaxt rumıniyalı mütəxəssisin rəhbərliyi altında çalışıb.
Qeyd edək ki, Mirça Luçesku Türkiyə millisinin 2018-ci il dünya çempionatının qalan 4 seçmə matçında və növbəti 2 il ərzində baş məşqçisi olacaq.
