Almaniya Super Kuboku uğrunda matçda "Bavariya" Dortmund "Borussiya"sını penaltilər seriyasında məğlub edib. Sportnet.az-ın məlumatına görə, Dortmunddakı "Signal İduna Park" stadionunda keçirilmiş qarşılaşmanın əsas vaxtı 2:2 hesablı heç-heçə ilə yekunlaşıb.
12-ci dəqiqədə "Borussiya"nın oyunçusu Kristian Pulişiç hesabı açıb. Bundan 6 dəqiqə sonra Dortmund komandasını keçmiş futbolçusu Robert Levandovski məyus edib. 72-ci dəqiqədə Pyer-Emerik Obameyanq yenidən meydan sahiblərini hesabda irəli çıxarıb. Lakin 88-ci dəqiqədə "Borussiya"nın qapıçısı avtoqol müəllifi olub.
Əlavə vaxtda fərqlənən olmadığından, penaltilər seriyasına müraciət olunub. Bu zaman "Bavariya" 5:4 hesabı ilə qalib gələrək, rekord sayda - 6-cı dəfə Superkuboka yiyələnib. "Borussiya"nın aktivində isə 5 belə qələbə var.
