İngiltərənin "Mançester Yunayted” komandasının baş məşqçisi Joze Mourinyo UEFA Superkuboku uğrunda oyunda İspaniya təmsilçisi "Real Madrid”ə məğlubiyyətdən sonra ona təqdim edilən medalı hədiyyə verib.
Sportnet.az-ın məlumatına görə, portuqaliyalı mütəxəssis mükafatlandırma mərasimi zamanı tribunaya yaxınlaşaraq, medalını "Mançester Yunayted”in azyaşlı azarkeşinə verib.
O, matçdan sonra təşkil edilən mətbuat konfransında bildirib ki, mükafatlar onun üçün heç bir əhəmiyyət kəsb etmir.
Qeyd edək ki, "Mançester Yunayted” Makedoniyanın paytaxtı Skopyedə baş tutan qarşılaşmada "Real Madrid”ə 1:2 hesabı ilə uduzub.
[media=]
