Rusiyanın "Anji" klubuna yeni baş məşqçi təyin olunub. Sportnet.az-ın klubun rəsmi saytına istinadən məlumatına görə, bu, belaruslu Vadim Skripçenkodur.
42 yaşlı mütəxəssis Premyer Liqanın VI turunda Moskva "Dinamo"suna 1:3 məğlubiyyətdən sonra istefa verən Aleksandr Qriqoryanı əvəzləyib. Skripçenko əvvəllər Belarusun BATE və "Minsk", eləcə də Rusiyanın "Kuban", "Ural" və "Krılya Sovetov" komandalarına rəhbərlik edib.
Qeyd edək ki, "Anji"də Moskva "Spartak"ından icarəyə götürülmüş əslən azərbaycanlı futbolçu Ayaz Quliyev də çıxış edir.
