İtaliyanın "Fiorentina" klubu "Cenoa"nın futbolçusu Covanni Simeoneni transfer edib. Sportnet.az-ın Florensiya təmsilçisinin rəsmi saytına istinadən məlumatına görə, 22 yaşlı hücumçu ilə 5 illik müqavilə bağlanılıb.
Argentinalı forvard Avropada ötən mövsüm debüt edib. O, "Cenoa"nın heyətində 37 oyuna 14 qol vurub. Əvvəllər isə gənc hücumçu Argentinanın "River Pleyt" və "Banfild" komandalarında forma geyinib.
Qeyd edək ki, Covanni Simeone İspaniya "Atletiko"sunun baş məşqçisi Dieqo Simeonenin oğludur.
