Rumıniyanın "Dinamo” komandasının baş məşqçisi Kosmin Kontra Portuqaliya "Sportinq”i ilə Çempionlar Liqasının (ÇL) "pley-off” mərhələsi çərçivəsində səfər heç-heçəsindən sonra maraqlı açıqlama verib.
Sportnet.az-ın Buxarest təmsilçisinin rəsmi saytına istinadən verdiyi məlumata görə, 42 yaşlı mütəxəssis 0:0 hesabı ilə yekunlaşan oyunun ardından ÇL-in qrupuna vəsiqə qazanacaqları təqdirdə, cavab qarşılaşmasından sonra mətbuat konfransına tumanla gələcəyini söyləyib: "Styaua” Lissabonda yaxşı oyun göstərdi. Yaxşı nəticəyə nail olmaq üçün onlara kömək etmək istəyirəm. Komanda ÇL-in qrupuna vəsiqə qazanacağı halda, mətbuat konfransına tumanla gələcəyimə söz verirəm. Əlbəttə, zarafat edirəm”.
Qeyd edək ki, bu kollektivlər arasında cavab oyunu avqustun 23-də Buxarestdə olacaq. Kontra futbolçu karyerası ərzində "Milan", "Atletiko", "Vest Bromviç" kimi klubların formasını geyinib.
