Türkiyənin "Beşiktaş" klubu bu mövsüm Çempionlar Liqasının qrup mərhələsindəki səfər oyunlarına azarkeş aparmayacaqlarını bəyan edib.
Sportnet.az klubun rəsmi saytına istinadən məlumat verir ki, "ağ qaralar"ın idarə heyəti bu gün belə qərara gəlib. Buna səbəb 2016-17 mövsümündə UEFA Avropa Liqasının 1/4 final mərhələsi çərçivəsində Fransada "Lyon"la səfər oyunu zamanı azarkeşlər arasında baş vermiş xoşagəlməz hadisələr olub. Belə ki, hər iki klub bu hadisələrədn sonra UEFA tərəfindən cərimələnmişdi.
Qeyd edək ki, "Beşiktaş" G qrupunda "Monako", "Porto" və "Leipsiq" komandaları ilə mübarizə aparacaq.
