"Qarabağ"ın İngiltərənin "Çelsi" klubu ilə keçirəcəyi Çempionlar Liqasının ilk tur matçı üçün səfər proqramı müəyyənləşib. Bu barədə Sportnet.az-a klubun baş meneceri Asif Əsgərov məlumat verib.
Onun sözlərinə görə, komanda üzvləri Londona sentyabrın 10-da günün ikinci yarısında çarter reysi ilə yollanacaqlar. Ertəsi gün "Stemford Bric" stadionunda ilk 15 dəqiqəsi açıq olan məşq və baş məşqçi Qurban Qurbanovun mətbuat konfransı nəzərdə tutulub.
Sentyabrın 12-də həmin arenada Bakı vaxtı ilə saat 22:45-də başlanacaq oyunun ardından kollektiv Bakıya qayıdacaq.
