"Qarabağ"ın 19 yaşadək futbolçulardan ibarət komandasının UEFA Gənclər Liqasında İtaliyanın "Roma" klubundan olan həmyaşıdları ilə keçirəcəyi II tur matçının başlama saatı açıqlanıb. Sportnet.az-ın məlumatına görə, görüş sentyabrın 27-də saat 14:00-da start götürəcək.
Oyun "Qarabağ" stadionunda ("Azərsun Arena"da) baş tutacaq. "Roma”nın U-19 kollektivinin baş məşqçisi Alberto De Rossidir. O, İtaliya yığmasının futbolçusu və "Roma”nın əsas komandasının kapitanı Daniele De Rossinin atasıdır.
Qeyd edək ki, "Qarabağ" ilk turda İngiltərənin paytaxtı Londonda "Çelsi"nin qonağı olacaq. Sentyabrın 12-də "Çelsi"nin təlim-məşq bazasında keçiriləcək görüş Bakı vaxtı ilə saat 16:05-də başlanacaq.
