"Yuventus"un iki aparıcı futbolçusu Klaudiyo Markizio və Sami Xedira Çempionlar Liqasının qrup mərhələsində səfərdə "Barselona" ilə keçiriləcək oyunda komandalarına kömək edə bilməyəcəklər.
Sportnet.az-ın məlumatına görə, bu barədə "Qoca Sinyora"nın baş məşqçisi Massimiliyano Alleqri məlumat verib. O, hər iki futbolçunun qarşıdakı oyunda çıxış etməyəcəyini açıqlayıb. Bundan əlavə Corco Kiellini də komandasına kömək edə bilməyəcək. Belə ki, təcrübəli müdafiəçi bir neçə gün əvvəl İspaniya millisi ilə oyundan əvvəl məşq zamanı zədələnib. Sandra, Manjukiç və Kuadrado da cəza səbəbindən bu oyuna çıxmayacaqlar. Belə bir durum qarşısında baş məşqçi Alleqri hansı taktiki sxemlə oynayacaqlarına qərar verəcəklərini bildirib.
Qeyd edək ki, "Barselona" - "Yuventus" görüşü sentyabrın 12-də keçiriləcək.
