"Bu, bizim Çempionlar Liqasında ilk oyunumuzdur. Qrupumuzda rəqiblərimiz çox güclüdür, amma buna baxmayaraq əlimizdən gələni edəcəyik".
Sportnet.az-ın məlumatına görə, bu sözləri "Qarabağ"ın müdafiəçisi Yakub Jezniçak sabah "Çelsi" ilə keçiriləcək oyundan öncə baş tutan mətbuat konfransında deyib. Baş məşqçi Qurban Qurbanovla birlikdə konfransda iştirak edən futbolçu rəqibin hücumlarının qarşısını qətiyyətlə almağa çalışacağını bildirib: "Rəqibin hücumçusu Alvaro Morata "Real”da oynayarkən ona qarşı oynamışam. Rəqibin hücum xəttində kimin olmasından asılı olmayaraq, onları dayandırmağa çalışacam".
Xatırladaq ki, "Çelsi" - "Qarabağ" oyunu sabah Bakı vaxtı ilə 22:45də başlayacaq.
