"Atletiko" komandası "Barselona" ilə İspaniya La Liqasının VIII tur matçında qələbəni əldən verib. Sportnet.az-ın məlumatına görə, Madriddəki "Metropolitano" stadionunda keçirilmiş görüş 1:1 hesablı heç-heçə ilə yekunlaşıb.
21-ci dəqiqədə Saul meydan sahiblərini irəli çıxarsa da, 82-ci dəqiqədə Luis Suares bərabərlik qolunu vurub.
Bununla da çempionatda ilk dəfə xal itirən "Barselona" 22 xalla liderliyini qoruyub. 16 xala malik "Atletiko" isə üçüncüdür.
Qeyd edək ki, "Atletiko" növbəti oyununu Bakıda "Qarabağ"a qarşı keçirəcək. Oktyabrın 18-də Bakı Olimpiya Stadionunda keçiriləcək qarşılaşma saat 20:00-da başlanacaq.
