Avro-2018-in final mərhələsində hazırlaşan futzal üzrə Azərbaycan millisi bu gün yoxlama matçında qüvvəsini sınayıb.
Sportnet.az-ın məlumatına görə, Joze Alesionun rəhbərlik etdiyi kollektiv komandası İran yığması ilə üz-üzə gəlib.
Bakı İdman Sarayında baş tutan qarşılaşma 3:3 hesabı ilə yekunlaşıb. Millimizin heyətində Vassura dubl edib. Digər qolu isə İsa Atayev vurub.
Qeyd edək ki, yığmalar arasında ikinci oyun sabah keçiriləcək.
