"Rəqibimiz haqda ancaq xoş sözlər deyə bilərəm. Həqiqətən də güclü komanda ilə iki oyun keçirdik".
Sportnet.az-ın məlumatına görə, bunu futzal üzrə İran millisinin baş məşqçisi Mohammad Nazemalşarieh yığmamızla keçirdikləri ikinci oyundan sonra söyləyib:
"Onu da deyim ki, baş məşqçinizlə bizim dostluq əlaqələrimiz var. İnanıram ki, komandanız Avropa çempionatında uğurlu nəticə qazanacaq. Bugünkü oyunun nəticəsinə təsir edən məqamlardan biri də Azərbaycan millisinin iki vacib futzalçısının meydana çıxmaması oldu”.
Qeyd edək ki, Azərbaycan - İran matçı millimizin 1:4 hesablı məğlubiyyəti ilə başa çatıb.
