Transfer hüququ İngiltərənin "Çelsi" klubuna məxsus olan futbolçu Rəhman Baba karyerasını Almaniyada davam etdirəcək.
Sportnet.az-ın "Sky Sports"a istinadən məlumatına görə, 23 yaşlı müdafiəçi ötən mövsüm icarə əsasında çıxış etdiyi "Şalke"yə keçəcək. Qanalı cinah oyunçusunun transferi yanvarın 30-da rəsmiləşdiriləcək. Baba "Şalke"yə tamhüquqlu üzv kimi yollanacaq və 1,5 illik müqaviləyə imza atacaq.
Qeyd edək ki, bu mövsüm Rəhman Baba "Çelsi"də bir oyun da keçirməyib. Onun "zadəganlar"la müqaviləsi 2020-ci ilin yayınadək qüvvədədir.
