"Qəbələ” 2017-2018-ci illər mövsümünün ikinci yarısının hazırlıqlarını davam etdirir.
Sportnet.az-ın məlumatına görə, "qırmızı-qaralar” Türkiyənin Antalya şəhərində təşkil olunan təlim-məşq toplanışının ikinci mərhələsinin 13-cü gününü başa vurub. Komanda günü bir məşqlə yekunlaşdırıb.
Baş məşqçi Roman Qriqorçukun rəhbərliyi altında keçirilən məşq prosesi meydançada baş tutub. Günün ikinci yarısına təsadüf edən hazırlıqda futbolçular toplu və topsuz çalışmaları yerinə yetirib.
Qeyd edək ki, "Qəbələ" Antalyadakı son yoxlama matçında Makedoniya "Şkendiya"sı ilə qarşılaşacaq. Oyun bu gün keçiriləcək.
