Futzal üzrə Avropa çempionatının ¼ final oyununda Azərbaycanı 8:1 hesabı ilə darmadağın etmiş Portuqaliya yığmasının Üzvü Rikardinyo tarixə düşüb.
Sportnet.az xəbər verir ki, əfsanəvi futzalçı buna etdiyi poker sayəsində nail olub. Beləliklə, Rikardinyo Avropa çempionatları tarixində vurduğu qolların sayını 21-ə çatdırıb və bununla da turnir tarixində ən yaxşı bombardr olub.
Bunadək futzal üzrə Avropa çempionatlarının final mərhələsi üzrə ən yaxşı bombardir hesabında 20 qol olan rusiyalı Konstantin Yeryomenko idi. Bu, 17 il ərzində rekord hesab edilib.
Rikardinyonun Rusiyaya qarşı keçiriləcək yarımfinal matçında öz göstəricisini yaxşılaşdırmaq imkanı olacaq. Matç fevraln 8-də keçiriləcək.
