Çempionlar Liqasının 1/8 final mərhələsinin cavab qarşılaşması çərçivəsində keçirilən "Roma" - "Şaxtyor" matçında futbolçular arasında insident baş verib.
Sportnet.az-ın məlumatına görə, hadisəyə səbəb topdaşıyan uşaq olub. Ukrayna təmsilçisinin futbolçuları sözügedən uşağa qarşı kobudluq edib. "Roma"nın futbolçuları isə bu hadisəyə reaksiya verərək etiraz ediblər. Daha sonra isə hər iki komandanın futbolçuları arasında mübahisə yaranıb.
Qeyd edək ki, hazırda qarşılaşmada ikinci hissə oynanılır və "Roma" klubu 1:0 hesabı ilə öndədir.
Xatırladaq ki, Ukraynadakı ilk matç "Şaxtyor"un 2:1 hesablı qələbəsi ilə başa çatıb.
