ABŞ-ın "Los-Angeles Galaksy" klubunda çıxış edən Zlatan İbrahimoviç Kriştianu Ronaldunun Çempionlar Liqasının 1/4 final mərhələsində "Yuventus"a vurduğu aşırma qol haqqında fikirlərini açıqlayıb.
Sportnet.az-ın məlumatına görə, isveçli hücumçu ESPN-in jurnalistinə açıqlamasında öz vurduğu qolu da xatırladıb.
"Bu gözəl qol idi. Ronaldu 40 metrdən də belə qol vurmağa cəhd etsin", - o deyib.
Qeyd edək ki, Zlatan İbrahimoviç 2012-ci ildə İsveç və İngiltərə milli komandaları arasında keçirilən yoldaşlıq oyununda 40 metrdən aşırma zərbəsi ilə qol vurub.
