Azərbaycan Premyer Liqasında XXII tura start verilib.
Sportnet.az-ın məlumatına görə, IV dövrənin ilk oyununda "Kəpəz" Gəncə şəhər stadionunda "Keşlə"ni qəbul edib. Turnir cədvəlinin son pillələrində qərarlaşmış komandaların görüşü heç-heçə ilə yekunlaşıb - 1:1. Hesabı 25-ci dəqiqədə qonaq komandadan Vaqif Cavadov açsa da, fasilə ərəfəsində Dario Frederiko bərabərlik qolunu vurub.
Bu, iki komanda arasında yubiley oyunu olub. Komandalar 30-cu dəfə qarşılaşıblar.
Beləliklə, xallarını 18-ə çatdıran "Keşlə" "Kəpəz"i yenə 6 xal geridə qoyub.
Günün digər oyununda "Qarabağ” "Səbail”i qəbul edib. Yalnız cari mövsümdə üz-üzə gələn komandaların matçında "Qarabağ” 4-cü qələbəyə sevinib. Komanda "Səbail”I 1:0 hesabı ilə üstələyib. Görüşdə yeganə qolu 31-ci dəqiqədə Riçard Almeyda vurub. Bu qələbən sonra xallarının sayını 53-ə çatdıran "Qarabağ” liderliyini möhkəmləndirib və avrokuboklara vəsiqəni rəsmiləşdirən ilk komanda olub. "Səbail” isə 18 xalla 6-cı yerdədir.
Qeyd edək ki, turun digər matçları sabah keçiriləcək. İkinci oyun günündə avrokuboklara vəsiqələr uğrunda mübarizə aparan "Zirə” ilə "Qəbələ”, "Neftçi” ilə "Sumqayıt” üz-üzə gələcək.
7 aprel (şənbə)
15:00. "Kəpəz” – "Keşlə” 1:1
Qollar: Dario Frederiko, 45 - Vaqif Cavadov, 25
Hakimlər: İnqilab Məmmədov, Rahil Ramazanov, İsgəndər Əliyev, Rəşad Əhmədov
AFFA nümayəndəsi: Əsgər Əmirəliyev
Hakim-inspektor: Şahin Cəfərov
Gəncə şəhər stadionu
17:30. "Qarabağ” – "Səbail” - 1:0
Qol: Riçard Almeyda, 31
Hakimlər: Ramil Diniyev, Mübariz Haşımov, Elşən Acalov, Rauf Cabbarov
AFFA nümayəndəsi: Eldar Qasımov
Hakim-inspektor: Məlik Həsənov
"Azersun Arena”
