PSJ klubu son 6 ildə 5-ci dəfə Fransa çempionu olub.
Sportnet.az-ın məlumatına görə, Liqa1-in XXXIII tur matçında parislilər "Monako" üzərində 7:1 hesablı qələbədən sonra qızıl medalları təmin ediblər. Anxel Di Mariya (dəq. 20; 58) və Covani Lo Çelsonun (dəq. 14; 27) dubl etdiyi, Edinson Kavani (dəq. 17) və Yulian Drakslerin (dəq. 86) hərəyə bir dəfə fərqləndiyi görüşdə Radamel Falkao topu öz qapısına göndərib. "Monako"dan isə Markuş Lopeş (dəq. 38) fərqlənib.
Bu qələbə sayəsində xallarını 87-yə çatdıran PSJ 70 xalla ikinci pillədə qərarlaşan "Monako" üçün əlçatmaq olub.
