Kiprin "Anortosis” klubu Araz Abdullayevin ad gününü qeyd edib.
"Report” xəbər verir ki, aprelin 18-də 26 yaşı tamam olan yarımmüdafiəçinin şərəfinə tort kəsilib. Kiprlilər dünən baş tutan məşqdən öncə futbolçumuzu təbrik edib.
Abdullayev isə öz növbəsində komanda yoldaşlarına təşəkkür edib və "Anortosis”in avrokuboka vəsiqə qazancağına inandığını söyləyib: "Bizim çox yaxşı futybolçulardan təşkil olunmuş əla komandamız var. Çempionatın başa çatmasına 4 oyun qalıb. Arzulayıram və inanıram ki, avrokuboka düşmək üçün yaxşı nəticə əldə edəcəyik”.
Qeyd edək ki, "Anortosis” 32 turdan sonra 65 xalla Avropa Liqasına vəsiqə verən 3-cü pillədə qərarlaşıb. Müqavilə ilə "Qəbələ”yə məxsus olan Abdullayev cari mövsümün sonuna qədər Kipr təmsilçisinin heyətində icarə əsasında çıxış edir.
