Bosniya və Herseqovinada təşkil edilən UEFA İnkişaf turnirində 16 yaşadək qızlardan ibarət Azərbaycan yığma komandası bu gün ikinci oyununu keçirib.
Sportnet.az-ın məlumatına görə, yığma komanda Xorvatiya ilə üz-üzə gəlib. Oyunun əsas vaxtı 1:1 hesabı ilə başa çatıb. Milli komandanın qolunu Alina Nəhmədova vurub. Turnirin əsasnaməsinə uyğun olaraq, qalib penalti seriyasında müəyyənləşib. Zərbələri daha dəqiq yerinə yetirən rəqib 3:2 hesabı ilə qələbə qazanıb.
Yığma turnirdə son oyununu aprelin 22-də Bosniya və Herseqovina komandasına qarşı keçirəcək.
