"Zirə" klubu Topaz Premyer Liqasının XXV turunda "Qarabağ"la keçirəcəyi oyuna itkilərlə çıxacaq.
Klubdan Sportnet.az-a verilən məlumata görə, turun açılış oyununu 7 futbolçu buraxacaq. Riçard Qadze, Sadio Tounkara, Jozef Bum, Aleksandr Şemonayev, Yovan Krneta zədəlidir. Aleksandr Dedov hazırda fərdi məşq etsə də, oyunadək sağalacağı inandırıcı görünmür. Milan Düriç isə sarı vərəqə limitini keçdiyi üçün cəzalıdır.
Qeyd edək ki, aprelin 27-də keçiriləcək "Zirə" - "Qarabağ" matçı saat 19:00-da start götürəcək.
