Futbol üzrə Avropa Liqasında I təsnifat mərhələsinə start verilib. Sportnet.az-ın məlumatına görə, ikinci oyun günündə 6 görüş keçirilib.
Bu oyunlardan birində "Qəbələ"nin potensial rəqibləri üz-üzə gəlib. "Rabotniçki" Makedoniyada Macarıstan "Honved"ini 2:1 hesabı ilə yenib. Bu cütün taleyi cavab görüşündə həll olunacaq. Mərhələ adlayan komanda növbəti raundda "Qəbələ"yə rəqib ola bilər. Amma bunun üçün Azərbaycan təmsilçisi Lüksemburq "Proqres"ini üstələməlidir.
Avropa Liqası
I təsnifat mərhələsi, ilk oyunlar
11 iyul
17:30. "Banants” (Ermənistan) - "Sarayevo” (Bosniya və Herseqovina) - 1:2
19:30. "Rabotniçki” (Makedoniya) - "Honved” (Macarıstan) - 2:1
19:45. "Vaduts” (Lixtenşteyn) - "Levski” (Bolqarıstan) - 1:0
20:00. "Fola” (Lüksemburq) - "Priştina” (Kosovo) - 0:0
20:00. "Klaksvik” (Farer adaları) - "Jalgiris” (Litva) - 1:2
22:45. "Qlenavon” (Şimali İrlandiya) - "Molde” (Norveç) - 2:1
Qeyd edək ki, ilk oyun günündə "Samtredia" Gürcüstanda Qazaxıstan "Tobol"una uduzub - 0:1. Avroliqada I təsnifat mərhələsinin qalan 40 oyunu iyulun 12-də keçiriləcək.
