Çempionlar Liqasının I turunda İspaniya "Valensiya"sı ilə görüş zamanı qırmızı vərəqə alan İtaliyanın "Yuventus" klubunun futbolçusu Kriştianu Ronaldunun cəza müddəti açıqlanıb.
Sportnet.az xəbər verir ki, UEFA İntizam Komitəsi portuqaliyalı hücumçunu 1 oyunluq diskvalifikasiya edib. 33 yaşlı forvard oktyabrın 2-də İsveçrə "Yanq Boyz"u ilə ev matçını buraxmalı olacaq. Əvəzində o, oktyabrın 23-də keçmiş komandası "Mançester Yunayted"lə İngiltərədəki qarşılaşmada forma geyinə biləcək.
Qeyd edək ki, Kriştianu Ronaldu "Valensiya" ilə səfər matçının 29-cu dəqiqəsində Ceyson Murilyonun saçından çəkdiyi üçün birbaşa qırmızı vərəqə alıb. Onun 2 oyunluq cəzalandırılacağı gözlənilirdi.
