"Qarabağ" klubunun ötən mövsüm Çempionlar Liqasında İspaniya "Atletiko"su ilə səfər heç-heçəsindən bir il ötür.
Sportnet.az-ın məlumatına görə, 2017-ci ilin bu günündə Azərbaycan təmsilçi Madriddə 1:1 hesablı heç-heçəyə nail olub. Əlamətdar hadisə ilə bağlı "Qarabağ" video hazırlayıb. Videoda 31 oktyabr saat 11:00-da kapitan Rəşad Sadıqovun Madrid küçələrində səhər məşqi vaxtı açıqladığı görüşdən gözləntiləri də ilk dəfə əksini tapıb. Təcrübəli müdafiəçi komandanın yeni tarix yazaraq, bütün dünyaya Qarabağın kimə məxsus olduğunu bütün dünyaya bəyan edəcəklərini söyləyib.
Sadıqovun sözləri həmin gün axşam keçirilmiş oyunun nəticəsində də əksini tapıb. Video "Tarix rəqəmlərlə deyil, zəfərlərlə yazılır" sözləri ilə bitir.
Qeyd edək ki, "Qarabağ" "Atletiko" ilə Bakıdakı görüşündə də heç-heçəyə nail olub - 0:0.
