"Hazırdan Kamal Quliyevlə danışıqlarımız davam edir. Demək olar ki, bütün məsələlərdə razılaşmışıq, ancaq bir-iki detal qalıb”. Bunu Sportnet.az-a açıqlamasında Azərbaycan I divizionunda çıxış edən "Neftçala” klubunun prezidenti Famil Səfiyev deyib.
Klub rəhbəri Quliyevlə yaxın günlərdə müqavilə bağlayacaqlarını bildirib: "Yaxın 1-2 günə tam razılıq əldə edib, onunla müqavilə bağlamaq istəyirik. Əsas məqsədimiz, komandaya yaxşı məşqçi gətirib, güclənməkdir. Biz klub olaraq, Kamal Quliyevə güvənirik və onun kimi təcrübəli məşqçi ilə uğur qazanacağımıza inanırıq”.
Qeyd edək ki, veteran futbolçu Kamal Quliyev son olaraq, "Neftçi”nin əvəzedici heyətində köməkçi məşqçi işləyib.
