"Real Madrid" klubu İspaniya La Liqasında 6-cı məğlubiyyətlə üzləşib.
Sportnet.az xəbər verir ki, paytaxt təmsilçisi XVIII turda doğma "Santyaqo Bernabeu" stadionunda "Real Sosyedad"a uduzub - 0:2. Hesabı 3-cü dəqiqədə Villian Joze dəqiq penalti zərbəsi ilə açıb. 61-ci dəqiqədə "kral klubu" azlıqda qalıb. Lukas Vaskes ikinci sarı vərəqəni alaraq, meydandan qovulub. 83-cü dəqiqədə isə Ruben Pardo yekun nəticəni müəyyənləşdirib.
Bu məğlubiyyətdən sonra "Real Madrid" 30 xalla 5-ci pillədə qalıb. "Real Sosyedad" isə 22 xalla 11-ci pilləyə yüksəlib.
