UEFA-nın İsveçrənin Nyon şəhərindəki mənzil qərargahında Avropa Liqasının 1/8 final mərhələsinin püşkü atılıb. Sportnet.az-ın məlumatına görə, mərasimin əvvəlində 1/16 final mərhələsinin oyunlarından və final oyununun keçiriləcəyi Bakıda görüntülər təqdim olunub.
Daha sonra Avropa futbol qurumunun baş katibi Corco Marketti Avroliqanın səfirləri Andres Palopla birgə cütlərin tərkibini müəyyənləşdirib:
Püşkatmanın nəticələri:
"Çelsi" (İngiltərə) - "Dinamo" (Kiyev, Ukrayna)
"Ayntraxt" (Frankfurt, Almaniya) - "İnter" (Milan, İtaliya)
"Dinamo" (Zaqreb, Xorvatiya) - "Benfika" (Portuqaliya)
"Napoli" (İtaliya) - "Zaltsburq" (Avstriya)
"Valensiya" (İspaniya) - "Krasnodar" (Rusiya)
"Sevilya" (İspaniya) - "Slaviya" (Praqa, Çexiya)
"Arsenal" (İngiltərə) - "Renn" (Fransa)
"Zenit" (Rusiya) - "Vilyarreal" (İspaniya)
Qeyd edək ki, ilk oyunlar martın 7-də, cavab görüşləri martın 14-də keçiriləcək. Görüşlər Bakı vaxtı ilə saat 21:55-də və 24:00-da başlanacaq. Adları birinci göstəriləcək komandalar ilk oyunlarını evdə keçirəcəklər. Aprelin 11-də və 18-də 1/4 final, mayın 2-də və 9-da yarımfinal, mayın 29-da isə Bakı Olimpiya Stadionunda final görüşü keçiriləcək.
--------------------------
Bu gün futbol üzrə Avropa Liqasının 1/8 final mərhələsinin püşkü atılacaq.
Sportnet.az-ın məlumatına görə, UEFA-nın İsveçrənin Nyon şəhərindəki mənzil-qərargahında təşkil olunacaq mərasim Bakı vaxtı ilə saat 16:00-da başlanacaq. Püşkatmada bu komandalar iştirak edəcək:
"Arsenal" (İngiltərə), "Benfika" (Portuqaliya), "Çelsi" (İngiltərə), "Dinamo" (Zaqreb, Xorvatiya), "Dinamo" (Kiyev, Ukrayna), "Ayntraxt" (Frankfurt, Almaniya), "İnter" (Milan, İtaliya), "Krasnodar" (Rusiya), "Napoli" (İtaliya), "Renn" (Fransa), "Zaltsburq" (Avstriya), "Sevilya" (İspaniya), "Slaviya" (Praqa, Çexiya), "Valensiya" (İspaniya), "Vilyarreal" (İspaniya), "Zenit" (Rusiya)
Bu mərhələdə səpələnmiş və səpələnməmiş komandalar, eləcə də eyni ölkənin təmsilçilərinin fərqli cütlüklərə bölgüsü olmayacaq. Amma UEFA İcraiyyə Komitəsinin qərarına əsasən, Rusiyanın "Krasnodar" və ya "Zenit" komandasının Ukraynanın "Dinamo" (Kiyev) klubu ilə rəqib ola bilməyəcəklər.
1/8 finalda ilk oyunlar martın 7-də, cavab görüşləri martın 14-də keçiriləcək. Görüşlər Bakı vaxtı ilə saat 21:55-də və 24:00-da başlanacaq. Adları birinci göstəriləcək komandalar ilk oyunlarını evdə keçirəcəklər.
Aprelin 11-də və 18-də 1/4 final, mayın 2-də və 9-da yarımfinal, mayın 29-da isə Bakı Olimpiya Stadionunda final görüşü keçiriləcək.
