Azərbaycan Premyer Liqasının XXV turunda üz-üzə gələcək “Qəbələ” və “Zirə” komandaları 18-ci dəfə görüşəcəklər.
Sportnet.az-ın məlumatına görə, mükafatçılar sırasına düşmək üçün mübarizə aparan “qırmızı-qaralar” rəqibini aprelin 19-da Qəbələ şəhər stadionunda qəbul edəcək. Bu qarşılaşma iki komanda arasında 18-ci duel olacaq. İndiyədək keçirilmiş 17 oyunda “Qəbələ” 6 qələbə qazanıb və 7 heç-heçə edib. Paytaxt təmsilçisi isə 4 dəfə qalib gəlib. Top fərqində də “qırmızı-qaralar” üstündür – 23:15. Əyalət komandasının qollarına 14 futbolçu və avtoqol müəllifi olan rəqib oyunçu imza atıb. Aleksey Qay “Zirə” ilə görüşlərdə hamıdan çox – 4, Ermin Zets 3 qol vurub.
Əvvəlki 17 oyundan 2-si kubok, 15-i Premyer Liqa çərçivəsində baş tutub. Çempionatdakı matçlarda rəqiblər hərəyə 4 dəfə qalib gəlibsə, 5 dəfə sülhlə ayrılıblar. Bu oyunlarda "Qəbələ" 16 qol vurub, 13-nü buraxıb.
Qeyd edək ki, “Qəbələ” - “Zirə” matçı saat 16:00-da başlayacaq.
