İspaniyanın "Barselona" komandası İspaniya La Liqasının XXI tur matçında “Valensiya” ilə qarşılaşıb.
Sportnet.az xəbər verir ki, "Mestalya" stadionunda keçirilmiş görüş meydan sahiblərinin 2:0 hesablı qələbəsi ilə başa çatıb. Görüşün 48-ci dəqiqəsində "Barselona" müdafiəçisi Jordi Alba topu öz qapısına vurub. "Valensiya"nın heyətində isə Maksi Qomes fərqlənib. O, 77-ci dəqiqədə komandasının hesabdakı üstünlüyünü artırıb.
Məğlubiyyətə baxmayaraq “Barselona” turnir cədvəlində liderliyini davam etdirir. Komanda 21 qarşılaşmada 43 xal toplayaraq “Real Madrid"i üstələyir. Bununla yanaşı, Madrid klubunun ehtiyatında daha bir matç da var. “Valensiya” isə 21 oyundan 34 xalla 5-ci yerə yüksəlib.
