Futbol üzrə Azərbaycan Premyer Liqasında XX turun daha bir oyunu keçirilib.
Sportnet.az-ın məlumatına görə, günün ikinci matçında "Neftçi" "Sabah"ı qəbul edib. "Bakcell Arena"da təşkil olunan qarşılaşma meydan sahiblərinin 4:0 hesablı qələbəsi ilə yekunlaşıb.
Flaqmanın qollarını 6-cı dəqiqədə Saman Nərimancahan, 49-cu dəqiqədə Anton Krivotsyuk, 62-ci dəqiqədə Baqali Dabo, 90+1-ci dəqiqədə isə Mirabdulla Abbasov vurub.
İkinci yerdə qərarlaşan "Neftçi" xallarının sayını 37-ə çatdırıb. "Sabah" isə 21 xalla 5-ci sıradadır
Qeyd edək ki, günün ilk matçında "Qəbələ" "Sumqayıt"ı 5:0 hesabı ilə üstələyib. Tura sabah keçiriləcək "Səbail" - "Zirə" və "Keşlə" - "Qarabağ" oyunları ilə yekun vurulacaq.
-----------------------------------------------------
Futbol üzrə Azərbaycan Premyer Liqasında XX tura start verilib.
Sportnet.az-ın məlumatına görə, turun açılış matçında "Qəbələ" "Sumqayıt"ı qəbul edib.
Qəbələ şəhər stadionunda təşkil olunan qarşılaşma meydan sahiblərinin 5:0 hesablı qələbəsi ilə yekunlaşıb.
"Qəbələ"nin heyətində 34-cü və 89-cu (penalti) dəqiqədə Nikolas Raysel, 37-ci dəqiqədə Amin Seydiyev, 52-ci dəqiqədə Rövlan Muradov, 63-cü dəqiqədə isə İviça Juniç fərqlənib.
Bu nəticədən sonra 8-ci pillədə qərarlaşan "Qəbələ" 19-cu xalını qazanıb. 4-cü sıradakı "Sumqayıt"ın isə 23 xalı var.
Qeyd edək ki, günün digər matçında "Neftçi" "Sabah"la üz-üzə gələcək. Tura sabah keçiriləcək "Səbail" - "Zirə" və "Keşlə" - "Qarabağ" oyunları ilə yekun vurulacaq.
----------------------------
Bu gün futbol üzrə Azərbaycan Premyer Liqasında XX tura start veriləcək.
Sportnet.az-ın məlumatına görə, ilk oyun günündə iki qarşılaşma keçiriləcək.
Günün ilk matçı Qəbələdə olacaq. Şəhərin eyniadlı təmsilçisi doğma meydanda "Sumqayıt"ı qəbul edəcək. Hazırda "Qəbələ" 16 xalla sonuncu - 8-ci pillədədir. "Gənclik şəhəri" təmsilçisinin isə 23 xalı var və 4-cü sırada qərarlaşıb.
Komandalar arasında birinci dövrədə bu stadionda keçirilmiş görüşdə qonaqlar 2:0 hesablı qələbə qazanıb. Sumqayıtdakı matçda qalib müəyyənləşməyib - 1:1.
Komandalar indiyədək çempionatda 30 dəfə üz-üzə gəlib. Bunların 17-də “Qəbələ” qalib gəlibsə, "Sumqayıt" cəmi 4 dəfə qələbə sevinci yaşayıb. 9 qarşılaşma isə heç-heçə bitib. Topların fərqində də "Qəbələ"nin aşkar üstünlüyü var - 48:24. Ayxan Abbasovun baş məşqçi olduğu "Sumqayıt" son üç oyunu qolsuz və xalsız tərk etməyib. Qəbələdəki son iki matçda qol vuran komanda qalib gəlib.
Günün ikinci matçında isə "Neftçi" və "Sabah" üz-üzə gələcəklər. "Ağ-qaralar" 34 xalla 2-ci, Masazır təmsilçisi isə 21 xalla 5-cü sırada yer alıb. I dövrədə "Bakcell Arena"dakı qarşılaşma heç-heçə başa çatıb - 1:1. II dövrədəki oyunda isə "Neftçi" 2:0 hesablı səfər qələbəsi qazanıb.
Rəqiblər Premyer Liqada 6 dəfə qarşılaşıblar. Bunların 5-də "Neftçi" meydanı 3 xalla tərk edib, 1 oyun isə heç-heçə yekunlaşıb. Topların fərqində də "ağ-qaralar" öndədir - 12:2. "Neftçi" bütün oyunlarda qol vurub.
7 mart (şənbə)
16:00. “Qəbələ” – “Sumqayıt” - 5:0
Qol: Nikolas Raysel, 34. 89 (pen). Amin Seydiyev, 37. Rövlan Muradov, 52. İviça Juniç, 63
Hakimlər: Rəhim Həsənov, Mübariz Haşımov, Namiq Hüseynov, Nicat İsmayıllı
Hakim-inspektor: Feyzulla Feyzullayev
AFFA nümayəndəsi: İlhаm Əliyev
Qəbələ şəhər stadionu
18:00. “Neftçi” – “Sabah” - 4:0
Qol: Saman Nərimancahan, 6. Anton Krivotsyuk, 49. Baqali Dabo, 62. Mirabdulla Abbasov, 90+1
Hakimlər: Rəvan Həmzəzadə, Cəmil Quliyev, Vüqar Bayramov, Kamal Umudlu
Hakim-inspektor: Ömər Paşayev
AFFA nümayəndəsi: Erkin Hüseynov
Bakcell Arena
Qeyd edək ki, tura sabah keçiriləcək "Səbail" – "Zirə" və "Keşlə" – "Qarabağ" oyunları ilə yekun vurulacaq.
