Hazırda Türkiyənin "Erzurumspor" klubunda çıxış edən "Qarabağ"ın sabiq qapıçısı İbrahim Şehiç Superliqada oynaya bilər.
Sportnetə.az yerli mətbuta istinadən xəbər verir ki, "Göztəpə" təcübəli qolkiperi heyətinə cəlb etmək niyyətindədir.
İzmir təmsilçisinin əsas qapıçısı Beto ilə İstanbul nəhəngləri "Beşiktaş" və "Qalatasaray" maraqlanır. Beto "Göztəpə"ni tərk edərsə, Şehiçin komandaya cəlb olunma ehtimalı böyükdür.
Qeyd edək ki, İbrahim Şehiç "Qarabağ"da 2013 - 2018-ci ildə çıxış edib. Onun hazırkı klubu ilə sözləşməsi mövsümün sonunda bitir. Şehiçin "Qarabağ"a qayıtmaq ehtimalının olduğu da yazılıb.
