Futzal üzrə Azərbaycan millisinin 2022-ci ildə keçiriləcək Avropa çempionatının seçmə mərhələsindəki rəqibləri bəlli olub.
Sportnet.az xəbər verir ki, Joze Alesio Da Silvanın baş məşqçi olduğu komanda III qrupda mübarizə aparacaq. Yığma Slovakiya, Moldova və Türkiyə/Yunanıstan cütünün qalibi ilə üz-üzə gələcək.
1-ci qrup
San Marino/Danimarka, Xorvatiya, Albaniya, Ukrayna
2-ci qrup
Bolqarıstan/Ermənistan, Fransa, Gürcüstan, Rusiya
3-cü qrup
Türkiyə/Yunanıstan, Azərbaycan, Slovakiya, Moldova
4-cü qrup
İngiltərə/Şimali Makedoniya, Rumıniya, Serbiya, Bosniya və Herseqovina
5-ci qrup
İsrail/Kipr, Qazaxıstan, Macarıstan, Belarus
6-cı qrup
İsveçrə/Almaniya, İspaniya, Latviya, Sloveniya
7-ci qrup
Monteneqro/Litva, İtaliya, Belçika, Finlandiya
8-ci qrup
Polşa, Portuqaliya, Norveç, Çexiya
Oyun günləri
2 - 11 noyabr 2020 (ilkin mərhələnin pley-off oyunları)
6 - 9 dekabr 2020
25 yanvar - 3 fevral 2021
1 - 10 mart 2021
5 - 14 aprel 2021.
Qeyd edək kİ, AVRO-2022-nin final mərhələsi yanvarın 9-dan fevralın 6-dək Niderlandda təşkil olunacaq.
------------------------------------------------------
Bu gün futzal üzrə Avropa çempionatının seçmə mərhələsinin püşkü atılacaq.
"Report"un məlumatına görə, tədbir UEFA-nın İsveçrənin Nyon şəhərindəki qərargahında Bakı vaxtı ilə saat 15:15-də başlayacaq.
Azərbaycan yığması püşkatmada A səbətində yer alacaq. A, B və C səbətlərinin hər birində 8 komanda qərarlaşıb. Norveç D səbətində olan yeganə kollektivdir. İlkin mərhələdən pley-off oyunlarına vəsiqə qazanan yığmalar isə E səbətində cəmləşiblər.
Püşk zamanı komandalar hər birində 4 iştirakçı olmaqla 8 qrupa bölünəcək. Qruplara hər səbətdən bir komanda daxil ediləcək. Yekunda 8 qrup qalibi və ən yaxşı göstəriciyə malik 6 komanda həlledici mərhələyə birbaşa vəsiqə qazanacaq. İkinci yerin sahibləri arasında ən zəif göstəriciyə malik iki komanda isə pley-off görüşündə üz-üzə gələcək. Bu oyun 2021-ci ilin noyabrında gerçəkləşəcək.
AVRO-2022-nin final mərhələsi isə yanvarın 9-dan fevralın 6-dək Niderlandda təşkil olunacaq.
A səbəti
İspaniya, Portuqaliya (son qalib), Rusiya, Qazaxıstan, Serbiya, AZƏRBAYCAN, Xorvatiya, İtaliya
B səbəti
Ukrayna, Çexiya, Sloveniya, Rumıniya, Macarıstan, Fransa, Finlandiya, Slovakiya
C səbəti
Belarus, Bosniya və Herseqovina, Polşa, Belçika, Gürcüstan, Latviya, Moldova, Albaniya
D səbəti
Norveç
E səbəti
Türkiyə / Yunanıstan cütünün qalibi, San Marino / Danimarka cütünün qalibi, İsrail / Kipr cütünün qalibi, İsveçrə / Almaniya cütünün qalibi, İngiltərə / Şimali Makedoniya cütünün qalibi, Bolqarıstan / Ermənistan cütünün qalibi, Monteneqro / Litva cütünün qalibi
Oyun günləri
2-11 noyabr 2020 (ilkin mərhələnin pley-off oyunları)
6-9 dekabr 2020
25 yanvar-3 fevral 2021
1-10 mart 2021
5-14 aprel 2021.
