Fransanın PSJ klubunun futbolçusu Kilian Mbappe Çempionlar Liqasının qrup mərhələsində III turun Almaniya "Leyptsiq"i ilə ev oyununa çıxmayacaq.
Sportnet.az Paris təmsilçisinin rəsmi saytına istinadən xəbər verir ki, 22 yaşlı hücumçu matçı zədə səbəbindən buraxacaq.
Fransalı forvard "Nant"ı 3:0 hesabı ilə məğlub etdikləri matçda bud əzələsində narahatlıq hiss edib və əvəzlənib.
Komandanın digər zədəli futbolçuları Neymar, Marko Verratti, Mauro İkardi və Yulian Draksler də eyni səbəbdən Almaniya klubu ilə görüşdə iştirak etməyəcək.
Qeyd edək ki, noyabrın 4-də keçiriləcək "Leyptsiq" - PSJ matçı Bakı vaxtı ilə saat 24:00-da başlayacaq.
