Azərbaycan Premyer Liqasında XXVI tura yekun vurulub.
Sportnet.az-ın məlumatına görə, turun son oyununda "Qarabağ" "Səbail"in qonağı olub. Masazırda "Bank Respublika Arena"dakı qarşılaşma Ağdam klubunun 4:0 hesablı qələbəsi ilə başa çatıb.
Görüşdə bütün qollar ilk hissədə vurulub. Hesabı 28-ci dəqiqədə Abdullah Zubir açıb. 4 dəqiqə sonra Mahir Emreli qüvvətli zərbə ilə fərqi artırıb. 41-ci dəqiqədə Xayme Romero 3-cü topu meydan sahiblərinin qapısından keçirib. İlk yarının əsas vaxtına əlavə olunmuş 3-cü dəqiqədə isə Maksim Medvedev penaltini dəqiq yerinə yetirərək yekun hesabı müəyyənləşdirib.
Bu qələbədən sonra xallarını 54-ə çatdıran "Qarabağ" yenidən liderliyə yüksəlib. "Sabah" isə 25 xalla 5-ci pillədə qalıb.
Qeyd edək ki, günün ilk oyununda "Zirə" evdə "Qəbələ" ilə qolsuz heç-heçəyə razılaşıb. Ötən gün keçirilən matçlarda isə "Sumqayıt" səfərdə "Keşlə"ni 1:0, "Neftçi" isə "Səbail"i 4:0 hesabı ilə məğlub edib.
-------------------------
Azərbaycan Premyer Liqasının XXVI turunun "Sabah" - "Qarabağ" matçı bərpa olunub.
Sportnet.az-ın məlumatına görə, projektorla bağlı problem aradan qaldırıldıqdan sonra baş hakim Rauf Cabbarov oyunun davam etdirilməsinə qərar verib.
---------------------------
Futbol üzrə Azərbaycan Premyer Liqasının "Sabah" - "Qarabağ" matçı dayandırılıb.
Sportnet.az-ın məlumatına görə, görüşün keçirildiyi "Bank Respublika Arena"dakı projektorlardan birinin sönməsi səbəb olub.
Hazırda texniki problemin aradan qaldırılması üçün iş gedir.
--------------------------------
Azərbaycan Premyer Liqasında XXVI turun daha bir oyunu "Zirə" və "Qəbələ" komandaları arasında keçirilib.
Sportnet.az-ın məlumatına görə, Zirə İdman Kompleksinin stadionunda təşkil olunmuş qarşılaşma qolsuz bərabərliklə yekunlaşıb. Bununla da hər iki komandanın qələbəsiz ardıcıl oyunlarının sayı 9-a çatıb.
Hazırda "Zirə" 35 xalla 4-cü, "Qəbələ" 25 xalla 6-cı pillədə qərarlaşıb.
Qeyd edək ki, turun ilk oyun günündə "Sumqayıt" səfərdə "Keşlə"ni 1:0, "Neftçi" "Səbail"i 4:0 hesabı ilə yenib. Tura saat 20:15-də başlanacaq "Sabah" - "Qarabağ" matçı ilə yekun vurulacaq.
-------------------------------------
Bu gün Azərbaycan Premyer Liqasında XXVI tura yekun vurulacaq.
Sportnet.az-ın məlumatına görə, son oyun günündə də 2 qarşılaşma baş tutacaq.
Günün ilk matçı Zirədə eyniadlı komanda ilə "Qəbələ" arasında olacaq. Hazırda "Zirə" 34 xalla 4-cü, əyalət təmsilçisi isə 24 xalla 6-cı pillədə qərarlaşıb. Bunadək çempionatda 22 dəfə üz-üzə gəlmiş komandaların duelində ən çox qeydə alınan nəticə heç-heçə olub - 10. Görüşlərin 5-də meydan sahibləri, 7-də qonaqlar qələbə qazanıblar. Topların fərqi də "qırmızı-qaralar"ın xeyrinədir - 26:20. “Zirə” son 4 oyunda meydanı qolsuz tərk etməyib. "Qartallar"ın son 4 ev görüşündə 2 və ya daha çox qol qeydə alınıb.
Turun son oyunu isə Masazırdakı "Bank Respublika Arena"da baş tuacaq. 51 xalla ikinci sırada yer alan "Qarabağ" 25 xalla 5-ci pillədə qərarlaşan "Sabah"ın qonağı olacaq. Komandalar indiyədək Premyer Liqada 10 dəfə rəqib olublar. Bu oyunlarda meydan qələbə qazana bilməyib. Yeddi görüş qonaqların xeyrinə, üçün isə heç-heçə bitib. Ağdam klubunun vurduğu 16 qola Masazır təmsilçisi 3 topla cavab verib. “Qarabağ” son 3 oyunda rəqibinə qalib gəlib.
Azərbaycan Premyer Liqası
XXVI tur
18:00. “Zirə” –“Qəbələ” - 0:0
Hakimlər: Əliyar Ağayev, Akif Əmirəli, Zeynal Zeynalov, Rövşən Rəcəbov
Hakim-inspektor: Ramil Diniyev
AFFA nümayəndəsi: İlham Əliyev
Zirə İdman Kompleksinin stadionu.
20:15. “Sabah” – “Qarabağ” - 0:4
Qollar: Abdullah Zubir, 28, Mahir Emreli, 32, Xayme Romero, 41, Maksim Medvedev, 45+3 (penalti)
Hakimlər: Rauf Cabarov, Namiq Hüseynov, Nahid Əliyev, Rauf Allahverdiyev
Hakim-inspektor: Anar Salmanov
AFFA nümayəndəsi: Eldəniz Musayev
“Bank Respublika Arena”.
Qeyd edək ki, ilk oyun günündə "Sumqayıt" səfərdə "Keşlə"ni 1:0, "Neftçi" isə "Səbail"i 4:0 hesabı ilə məğlub edib.
